Hasurbankuḍi

Sirmare enićge Siṅgbonga.

Akin Kulabuḍia kapajitana.

Sidabiam sidasangain...

Samaomsataraṅre Siṅgbonga duṕakana, Samaomtaĩṛidanḍaḱ.

Imitaṅkin kapajitana...

Pati Peṭá peṭátekoa, mimiat́ Miw miwtekoa.

Rankigunḍi· Piurigaikin arajitana Siṅgbongataḱ: Upalbahpukuri· Taṛaebahbandela ḍunḍaḱtana. Cara kaliṅ namyt́a, Siṅg-Saḍom· Tasat́-Ruṛaḱ saben rongotana. Muć-Pipiṛi· Carai-Cuguni, Daḱ kakô namyt́a, Cara kakô namyt́a.

Siramare Siṅgbongać elaṅtana ayurtana.

Samaom Satarangire duṕakanteć ayumtana; rakińynać.

Kaca-kanḍaynać, ṭunṭa-pirinynać: Hasurhonko, maḱgiḍikoań.

Ente Kuṛi kajivaiytana: Alamà! Esakarge kam daevakoa, sangeakô Haga, sangeakô Boóya. Enko Nidaókô siput́tana singiókô siput́tana. Amdom esakargêa; Mapaḱ Tupuńte kam daevakôa. Gelea Bidu, Hisia Cayakoć metat́ića. Hémarket́ać.

Enate Dingcua Maru ente Kerkeṭa Jagukineć kuldutamket́kina Hasurhonkotaḱ.

Enkin kajiyt́a: Kajicaliṅ agutat́a, Bakãacaliṅ seṭertat́a. Nidape siput́redo singi alapeà! Singidope siput́redo nida alapeà! Upalbahpukuri Taṛaebahbandela anjet́tana ḍunḍaḱtana. Rankigunḍi Piurigai Daḱ kakin namyt́a, Cara kakin namyt́a mentekin kajitana. Muć-Ṭonṭo, Carai- Cunguni Daḱ kakô namyt́a, Cara kakô namyt́a. Otere Tasat́-Ruṛaḱ, Siṅ-Sandom saben rongotana. Sirmare Siṅgbongać elaṅtanać ayurtana.

En Hasurhonko kajiket́a: Ale Siṅgbongatelea, ale Maraṅdeotatelea, jetaićaḱ Kaji kale manatiṅa.

Alege aṅmaraṅakana, alege turmaraṅakana. Aleaete jetaić maraṅ baṅaića. Nidaóle siput́a, singióle siput́a -mentekô kajiruaavakintana. Kadal-kandile kandiakana, Jumbuli-jurile juriakana. Ḍunḍapálle kiduṕtana, ḍunḍapálle angaratana, ale jetaićaḱ Kaji kale manatiṅa -mentekô kajiket́a.

Däcui Kuilalopoṅ tekô herket́ića, Kerkeṭa Bicatoroćtekô herket́ića.

«Jú senoḱben! Okoetaḱreben uduṕea!»

Enkin senoḱyna, Siṅgbongataḱrekin uduṕyt́a: «Hela Gomke! aliṅdo Jatikô at́iciket́liṅa!»

«Senoḱben abenaḱ Jatitaḱte; sabenko mit́gepe neloḱa»ć metvat́kina.

Entekin senoḱyna adokin nelket́koa, mit́geako.

Ente Sonadidi Rupadidi'ć kulket́kina. Enkin Hasurhonkokin kajivakotana: Kajicaliṅ agutat́a, Bakãacaliṅ seṭertat́a.

Ente Koṭasitekô koṭamket́kina, ente Sanḍasomtekô koṭećket́kina. 

«Jú senben! Okoetaḱreben uduṕea nahḱdo» mentekô kajivat́kina. 

Ente Lipisusarić· Káḱbanḍari enkineć kulket́kina Hasurhonkotaḱ. Ente enkin hućoḱlena anḍoḱkin kajivakôtana: Kajicaliṅ....

Ente Káḱ Kuilalopoṅtekô herket́ića, Lipi Bicatoroćtekô herket́ića.

Ente Laṅcẽe· Bococẽe'ć kuldutamket́kina......

Bococẽe Sasaṅdaḱtekô hicirket́ića, Laṅcẽe Cat́lomkô taućjiliṅket́ića.....

Ente Singhonga gelbar Bidu, gelpé cayaket́kinać.

Ekasi Piṛi tirasi Badi Dasikoṛa maḱtan caluḱtanać. Ente enre Siṅgbonga Kasrać herket́a enićaḱ Homoore. Ente enić gaoynać. Gaoyn ci, Samaomrici soridiket́ićać enićtaḱ. 

Enteć metaiytana : Ci de! ań caluḱea mit́sa. Ente en kasraakanić kajiruaaiytana: Ańdo Kasragaote saben Kut́lam Harangite ṭopecabaakana, amdo nelekan parci Hoo kań emvamea menteć kajivat́ića.

Ente Siṅgbonga enićge Cuṭaùṕreć saṕket́ića adoć sokoćket́ića. Hotorynać. En Úrte Siṅgbonga sonoḱynać. Enaàeteć senoḱyna Hasurhonkotaḱte. Huṛisakamteć jirentana Rokoko hartanteaḱ. Pati Rokoko haryt́ića, pati Tijuko uiuiditana. 

Ente Hasurhonkoaḱ Hatuć tebaḱket́a. 

«Ci hale ! Dasipe riíkaà ci? Simkoń harnalhà.» 

Ente Hasurko kajitana: 

Jú na Kuṛiko! neliype. Enteko nelket́ića. Enateko nelket́ić cikô cícíyt́a, durduryt́a, bećyt́a. «Kaleà, kale riíkaà Dasi. Honkotale calàguoḱa, Gãakotale calàguoḱa.» Ente eṭaḱ Hat teć senoḱyna.

«Ci hale! dasipe riíkaà ci!» «Gãakotale calàguoḱa. Jú senoḱme! hansaḱte senoḱme, Hookin menaḱkina Luṭkumhaṛam Luṭkumbuḍia. Enkin asit́, Honko baṅkoa, ḍinḍageakin. Aledo kaleà.»

Ente enkin taḱć senoḱyna.

«Ci hale! Jiaṅkin Tataṅkin, menaḱbenacitabu.»

Enkin Dasikinn rikaket́ića. Ente Simkoć harnalhtana.

Ente musiṅg hulaṅeć kajivakintana: Simjarom namvatukańpe, Gaooḱte hayayt́ińa. Entekinn namtukavat́ića. Ente Hasurhonkotaḱć senoḱyna. Enkoloḱ inuṅ lagit́eć senoḱtana. Akoaḱ Meeht́guli, Kasrakoṛa'aḱ Simjaromguli. Hasurhonko kapajitana: Simjaromtać bureput́ea, lat́eabu. Mara oṛaumekô metaiytana. Oṛauket́ać. Ente enićaḱ Guli kako ṭoḱket́a. Ente, 'mar ape oṛau pe'ć menyt́a. Ente enić guliket́ać. Ente Simjaromgulite Meeht́gulikoć ṭoḱ raput́ket́a. Ente enko ringĩiyna. Aurilê uduṕmea Luṭkumhaṛamtakintaḱre! Babado Paṭi rekinn tasitukavat́mea; Simko jom cabaket́akoć menyt́a.

Ente Haṛam-Buḍiataḱre enkatêkô uduṕket́a. Buḍia kísioḱtana: Cenaḱlaṅ joóma! soben Simko jom cabaket́a. Ne Kasrakoṛa Dasi kalaṅ rikaiyń metat́mea; rikaiy gealaṅemm menket́a."

Miat́ Babajaṅ en Kasrakoṛa halaṅruaaket́ać. Paṭireć emket́a, Paṭi perećyna; Oaḱteć idiket́a. Sehlreć emket́a, Sehl perećyna. Ṭunkireć emket́a, Ṭunki perećyna. Haṭaḱreć emket́a, Haṭaḱ perećyna.

Ente Haṛam-Buḍiakin nelket́a.

«Okoeaḱm kumbuuket́a?» mentekinn kuliytana.

«Jetaićaḱ Jiaṅkin· Tataṅkin kań kumbuuakat́a. Abuaḱge saṛatiṅtana baṛatiṅtana. Siṅbongać emvabutana.»

Ente onḍoḱ eṭaḱ Hulaṅ: Aben hale! Jiaṅkin· Tataṅkin Lupuḱlat́ baitukavańben, Gaote hayayt́ińa menteć kajivakintana. Ente enkin Lupuḱlat́kinn baivat́ića. Ente Lupuḱlat́ saṕket́têć senoḱyna Hasurhonkotaḱ inuṅte.

Ente enko: Mara Lupuḱlat́ katitaame, oṛaumekô metaiytana. Ente enko katiket́a, kako ṭoḱket́a. Mar nahḱdo, ape oṛauepe'ć metat́koa. Enteć katiket́a. Katikotako raput́oḱtana, Meeht́katiko Lupuḱlat́katite. Ente enko ringĩiyna.

Ente Hasurhonko Meeht́'ć adit́ket́koa. Ente: «Dea! Caulijaṅ nelvaleme Kasrakoṛa!»kô metaiytana.

«Duṕó kań daea, Gao hasuyt́ińa, celekatêń nelvapea» menteć kajiruaavat́koa. «Ente Setaḱ hućoḱpeń uduṕvapea.»

Ente enko Setaḱkô senruaayna. «Cia? Celekatêm namket́a»kô kuliyt́ića.

«Siṅbongare Punḍisim bongaiype, imitaṅtâpe meeht́oḱa.»

Ente enko Punḍisimko bongaket́ića; ente huḍiṅlekatako meeht́yna. Enteko rasikayna.

Ente onḍoḱ eṭaḱ-eṭaḱ hulaṅtako adit́yna. Ente onḍoḱ Caulijaṅko idiruaaiya. Daea nelalem Caulijaṅ, meeht́tale adit́yna. Hela Gaote kań duṕdaeać metakotana. Ente Hasurhonko hućoḱruaatanko taekena. Ente: da! emvańpe, gitićnellekaań, Setaḱ ruaapeć kajiruaavat́koa. Setaḱ aṅynci en Hasurhonko sennamket́ića. Ciam nelvat́lea menteko kuliyt́ića. Punḍimerom bongaiype, huḍiṅlekape meeht́oḱa. Ente Meromko bongakét́ićteko meeht́yna. Ente enko rasikayna.

Ente onḍoḱ eṭaḱ hulaṅ...

Siṅgbongare Balećminḍi bongaiype. Enko Balećminḍiko bongaket́ićte Meeht́ huḍiṅlekagetako meeht́yna. Ente enko, bugiùduṕvat́buać menteko rasikayna.

Ente eṭaḱ hulaṅ onḍoḱtako adit́yna...

Ciam namvat́lea menteko kuliyt́ića. Heań namvat́pea mente'ć kajivakotana: Hoodãeynatapeać metat́koa. Enate enko haikateyna. Hela Kasrakoṛa, okorele namiyako kajiruaatana. Jú! senoḱpe Doisaparganate, Kukuraparganate; enre Munḍako menaḱkoa. Kulikope! ci akiriṅkoape mente kulikope. Hela cekanaḱteko emalea, cenaḱtele kiriṅiyako metaiytana. Ente: ne Kakarukin Samaomeń emapetana; senoḱpe jú! Kiriṅteć metat́koa.

Ente enko Doisaparganateko senoḱyna: Ci hale! Hookope akariṅkoa ci menteko kuliyt́koa; bongaiyale!

Okoe namtana Engateaḱ Roga! daliype! Mit́balećaetebu asultat́ića! Bongaiynić okoe namtana daliype!

Ente enko niryna. Enate Kasrakoṛako metaiytana: Hela kale namket́ića Hoo!

Celekape kajiket́a?

Cigeu! Honkope akiriṅkoa ci? bongaiyale mentele kajivakotana.

Enaat́do? ć metakotana.

Nirynaleko metaiytana.

Ańgea endo! bongakińpeć metakotana. Gaote eraḱgeń dukutana, Nida-Singi Harangige lingitana menteć kajivakotana.

Ente Luṭkumhaṛam Luṭkumbuḍia kaliṅ emmea mentekin kajiruaaiytana; okoe Oaḱ horwvaliṅa?

Enkineć metakintana: Bongakeińkako Jiaṅkin Tataṅkin!

Ká amó! okoe aliṅdo asulliṅa?

Aloben uṛuḱoḱa! asuloḱgeaben. Abentaḱreń kajitukatana. Ci nea Kajiń uduṕvabentanać metat́kina. Ape Munḍahonkotaḱre ne Kaji taenka menteć kajitukavat́kina. Hatutalare Pãṛahon Siṅsubare duṕatukaiyań. Enić mainvabenać, Bahre mit́sa, Bataulire mit́sa, Mageremit́sa.

Enkin: hé mar endo! ne kaji kaliṅ riiṅea mentekin kajiruaaiytana.

Ente Hasurhonko idiket́ića bongaiy lagit́.

Ente enko auriko bongaiy sidareć kajivat́koa: Punḍimerom poṭaiype Úr, Nauaganḍikin baiepe, Nauabingal baiepe, Babaholoṅ ruṅepe, Kodeholoṅ ruṅgunḍaepe; Dinḍakuṛikin ruṅeka menteć kajivat́koa, kaṭaṕakaante.

Mar nahḱdo ilt́epe!

Ente en Kuṭite bolotan imitaṅeć kajitukavakotana: Dinḍakuṛikin siput́eka, api mah kaṭaṕakaante. Nida-Singikin siput́eka. Sutambinḍa Naua Caṭute Daḱkin aguka, Ulidauratekin hirciẽećeka! Mar! nahḱdoń boloyna, ilt́keset́ińpe!

Enatedokin siput́ket́a Nida-Singi. Enatedo api mah hobaynci Sutambinḍa Naua Caṭute Daḱkin agulet́a, Ulidauratekin hirciẽećket́a. Enate Kuṭikin ruṅùṭũuket́a.

Enate aṅtanleka turtanlekać olt́lena. Sonarupategeć somparaoakana; Loṭatãṛigeć saṕana.

Onḍoḱge menaḱ ci menako kuliyt́ića.

Hé! hé! sangi menaḱa menteć kajivakotana. Hagape sangia, apedo purak;pe aguea. Enate: Kuṭiundute bolopeć metavat́koa, Koṛahonkosekar! Koṛahonko agucabaepe; tayomtepe repeća karedo. Ente, Sirmare Samaomdidi Rupadidikin jalatiṅtana. Mar suba seromílte nelnamvakoben, Cuṭikaṅsaílte nelnamvakoben, merako ukuna, menteć kajivakotana.

Hasurhonkodo: cabaynale menteko kajivaiytana. Koṛahonkosekar sobenle agucabaket́koa.

Ente enko sobenko bolocabaynci: mar na Kuṛiko! ílt́keset́epe Bicatoroć Kuilalopoṅte! Ilt́eset́ket́ako. Mar na Kuṛiko! Sengel junḍi ado siput́epe! Siput́yt́ako; enatedo Kuṭicetanre Kuilako dulyt́a ado esuko siput́yada. Cãicũitanko reḱgoćentana.

Helaea! am cakat́ket́leako metavaiytana.

Mar na Kuṛiko siput́epe! repećtanako, koko dongooḱtana! sekaage siput́epe!

Entedo ladaladatan olt́tana Mayom Geṛahorate Narihorate.

Helaeam! cakat́ket́lea, ci Mayom neadoko metavaiytana.

Kana! Kuṛiko, Pánkasailiko jomtana, enako bećolt́yada. Mar na Kuṛiko! anjaa siput́taṕepe, sekaage!

Ente, rongoyn torket́koci, ruṅuṭũeepe menteć kajivat́koa.

Enteko ruṅuṭũeket́a. Jaṅsekargeko namket́a, ranka-roṛećtanko namket́a.

Helaeam bedaket́lea! neleka mente kale cirgalket́mea! Koṛakotale siput́goćiciket́leam menteko kajivaiytana.

Hela na! Kerkeṭajagu· Däcuimaru kuldutamket́kinań. Enkinaḱ Kaji kape manatiṅyna menteć kajivakotana. Ente: ańaḱ Anacupe manatiṅa ci nahḱ menteć kulikotana.

«Héle manatiṅa»ko menket́a. «Kale manatiṅoḱre celekatele asuloḱaonḍoḱ»ko metavaiytana.

Hé mar endo! Asuloḱhorań uduṕvapea menteć kajiruaavakotana.

«Páṭguru Turacelakineń rikatukakintana. Hulabaa Caulijaṅ, seṭećbaa Kudijaṅ Diasengel Porosengelteko salanam pitinampea. Páṭguru Turacela enkintaḱre alope ukuna» menteń kajivapetana.

«Hatutalare Hoohon Pãa taena, Siṅsuba, Darusuba. Manatiṅpeać»ć metat́koa.

Enate enić Sirmate'ć rakaṕentana.

Entedo en Hasurkuṛiko enićaḱ Lijaḱreko saṕentana. Ente Cuṭaùṕreć saṕket́koci'ć koṭaenḍaḱket́koa.

Burure iuḱynić Burubongayna, Ikirre iuḱynić Ikirbongayna, Piire iuḱynić onḍoḱ Lórtunḍukore Nagebongaynać; ente Maraṅburureć iuḱyna Maraṅbongaynać, Desaulire iuḱynić Desaulibongaynać, Condoìkirre iuḱynić Condoìkirbongaynać, Canḍire iuḱynić Canḍibongaynać.