Rataṅgama re Pataa
Adaanań Pataa nena okoeaḱ
Oaḱtaćdo Haturea japaḱ
Tinguhorwtat́ kać neliń tisiṅg
Pataatać rataṅperećtan nentaḱ
At́horaakanać Sadomtań huḍiṅ
Oaḱge banoḱtaḱ tingunteliṅ
Pataa· sakit́ Bandelatala daṅ
Nubaḱutar Ayuṕ Sirma-haṭiṅ
Rukuket́ać Hoṭoḱ riṛiṅ-raṛaṅ
Kuúlite Horaci at́yn alaṅ
Saḍi sumaṅ Hoyoge eṭaḱdo
Gese-gese oṭaṅ biwr Rataṅ
Reében, nubaḱ, ibila Pataado
Emanań Kajiko sangi mendo
Duum maaṅ Gaudi Hora sareć ado,
Duum maaṅ Gaudi Hora sareć ado.
-----------------------------------------------
Ginil Tiriṅ
Enkan Peeć miat́a Ginil kać rãasaà,Suba Oteć sásá puṭićea,
Singi reó cetanaḱ Dirihoneć paskaèa;
Barhookin Tanar joa akaa te parom lekać ponkaèa.
Sangarkôaḱ Anarika do eṭaḱ Kaji:
Ako tayom tiriṅ ruaa teń hućoḱana
Miat́ Dirió tiriṅ te kako bageat́ re
Uku akan Kulae koko sangar olt́a
Buḱ goćen tan Seta ko jar. Imin Ponka’ń metaà,
Ponkaoḱ tan do jahć kako nelat́ kako ayumat́,
Bahdipili tiriṅ ruaa imita nel namèale mendo.
Buru danaṅ Hatujuḍi’ń Kajiń kulvaiya;
Napam yn musiṅgliṅ senèa jiliṅte
Aliṅ tala reaḱ Ginil rakaṕ uraa
Sen tan re Ginil doliṅ tala akaaà.
Ać paa iuḱ akan Diri ać ge halaṅe.
Ciminaṅ do calkat́ gea ciminaṅ do ḍúl ge
Daaṅ te enaṅ duṕhapaoḱa:
‹Auriliṅ doya kunḍampe habić tae hapan pe!›
Enako saṕ te Tírama haroḱa.
Nama Piiìnuṅ geda nenaó,
Gár parom mipiat́ Hoo ken. Joka noḱ uḍuḱ beṭaoḱa:
Ginil do kalaṅ asitiṅa honaṅ:
Ać do sam Sarjom, ań do Uli Rwepii.
Uli Daru ko tań ká paroma
Tać Daru suba Sarjomjaṅ jom te, metvaiyań.
‹Keṭeć Bakai te ká eperaṅa.› ena geć kajièa.
Bahdipili teń baya akana, menèań
Ać Hataṅ re nen Kaji’ń sowṕ daia ci:
Bahdipili tiriṅ ruaa imita nel namèale mendo.
Buru danaṅ Hatujuḍi’ń Kajiń kulvaiya;
Napam yn musiṅgliṅ senèa jiliṅte
Aliṅ tala reaḱ Ginil rakaṕ uraa
Sen tan re Ginil doliṅ tala akaaà.
Ać paa iuḱ akan Diri ać ge halaṅe.
Ciminaṅ do calkat́ gea ciminaṅ do ḍúl ge
Daaṅ te enaṅ duṕhapaoḱa:
‹Auriliṅ doya kunḍampe habić tae hapan pe!›
Enako saṕ te Tírama haroḱa.
Nama Piiìnuṅ geda nenaó,
Gár parom mipiat́ Hoo ken. Joka noḱ uḍuḱ beṭaoḱa:
Ginil do kalaṅ asitiṅa honaṅ:
Ać do sam Sarjom, ań do Uli Rwepii.
Uli Daru ko tań ká paroma
Tać Daru suba Sarjomjaṅ jom te, metvaiyań.
‹Keṭeć Bakai te ká eperaṅa.› ena geć kajièa.
Bahdipili teń baya akana, menèań
Ać Hataṅ re nen Kaji’ń sowṕ daia ci:
Cenaḱmen Eperaṅ ká olt́a? Enado
Urić ko menaḱ taḱ reca? Alaṅ ma baṅkoa.
Ginilè maaṅ kuli sanaṅińa
Cenaḱń ginil talaè tana cenaḱ ká,
Okoćaḱ Oteń eserè tana.
Enkan Peeć miat́a Ginil kać rãasaà,
Enać handii ici sanaṅa. ‹Baḍamhon ko› ciń metavaiya,
Baḍamhon ko do kage sarite, ać ge batić
Nenać kaji ket́ re bugia. Neloḱ tanać entaḱ
Diri Cuṭi re saṕ keṭeć akaa te
Bar Tí re, Maridirijoroṅ Birhoo leka.
Nubaḱ reć senè tan lekań nel ket́ića,
Enaó Pataa„ Daru Umbul teaḱ nubaḱ do ká.
Aputeaḱ Kaji kać taomèa,
Ena ge cimin buginać menèa
Kaji uraaèać, ‹Keṭeć Bakai te ká eperaṅa.›
Urić ko menaḱ taḱ reca? Alaṅ ma baṅkoa.
Ginilè maaṅ kuli sanaṅińa
Cenaḱń ginil talaè tana cenaḱ ká,
Okoćaḱ Oteń eserè tana.
Enkan Peeć miat́a Ginil kać rãasaà,
Enać handii ici sanaṅa. ‹Baḍamhon ko› ciń metavaiya,
Baḍamhon ko do kage sarite, ać ge batić
Nenać kaji ket́ re bugia. Neloḱ tanać entaḱ
Diri Cuṭi re saṕ keṭeć akaa te
Bar Tí re, Maridirijoroṅ Birhoo leka.
Nubaḱ reć senè tan lekań nel ket́ića,
Enaó Pataa„ Daru Umbul teaḱ nubaḱ do ká.
Aputeaḱ Kaji kać taomèa,
Ena ge cimin buginać menèa
Kaji uraaèać, ‹Keṭeć Bakai te ká eperaṅa.›
Comments
Post a Comment