«Hookoaḱ Jagar do haḍi tan Daḱ lekaà»kô menea, mit́ taḱ re do ká taena, mí leka ge do ká taena. Tisiṅg celekabu jagar tana, Holater eṭaḱ lekakô jagar kena, anḍoḱ gapa eṭaḱ lekakô jagar uraaà. Sida re do hoo Sahn kô ‹paṛaḱ› kena, tisiṅg dokô ‹paaḱ› tana. Sida do ‹Deõṛã› ko tae kena, nahḱ do ‹Deõa› koa. Enleka ge hoo koaḱ Kaji Jagar ó Daḱ leka ayar paa te haḍi idienn tana. Sida do «jeṭe tana» kakô men kena, «situṅ tana» kô mene taekena. En do ‹jeṭe› okon aete hućoḱ yna? ‹Jeṭe› do Hookoaḱ Kaji do ká, abu japaḱ ren Diku Jargi canḍuḱ ayar te hućoḱ canḍuḱ ge ‹Jéṭ› canḍuḱkô nutum let́a. Akoaḱ nen Kaji ge abu Hoo ko otoṅ ket́ te lolo canḍuḱ ‹Jeṭe› canḍuḱkô metat́a. Mae-mae te tayom nen ‹Jéṭ canḍuḱ› ge ‹jeṭe› yna. ‹Jeṭe› do ayar miat́ canḍuḱ reaḱ Nutum taekena, tayom do ena ge ‹situṅ› yna. Enate nahḱbarsiṅg abu do «jeṭe tana» bu menea.
Comments
Post a Comment