aṅgmarsal

Search This Blog

Ho Duraṅ

Get link
Facebook
X
Pinterest
Email
Other Apps

Ho Duraṅ

About

Paeṭi sesen tan gea...

Get link
Facebook
X
Pinterest
Email
Other Apps

Comments

1. «En hoo ko go:e ki:a» Rule banoḱtege ol akan nen Sentence reaḱ baria Meaning olt́a, jagar tan hoo Samanaṅ re cimin hookoa? Miat́ hoo ci sangi? «En miad hoo, en sangi ko go:e ki:a» ci «En sangi hoo ko, en miad hoo ko go:e ki:a»? 2. «Seta jilu:i jom keda» Nen Sentence reaḱ Meaning do? Miat́ Seta Jiluć jom tana ci miat́ Seta goć ket́ić te en Jilu jomoḱ tana? Nen baria Sentence cilika ol tanngaoḱa. 3. Hoojagar re Munda Jagarkoto reaḱ sangi-sangi Kajihon ko at́ yna, Mundari te ‹colour› do नेद्‌ , Santali te do ञेत्‌ menoḱa, Hoojagar reó honaṅ Net́ taen teaḱa, banoḱa mendo. Riiṅ yna ci cilika? Nahḱ ‹colour› do cenaḱbu metaà? Nelekan Kajihon ko agu ruaaoḱ teaḱa ci ká? Neleka Hoojagar re at́ yna, Mundari· Santali re menaḱ Kajihon ko sangi-sangià. Example: ‹roof› do Saṛim/Saṛami/Saṛima , ‹to save› do duḱ (nena Hoojagar harduḱ re sareć akana), uṭann teaḱ do Dikukaji, birit́ honaṅ Munda Ja...

Danaṅ Maura: Germ Theory reaḱ Naṅkatai

Print Onol Cursive Onol Century-century lagit́ hoo ko do Otomon ká urumoḱ, sert́sipit́ Ruahasu ko reaḱ Umbul rekô taekena. Hasu, Mari, anḍoḱ gógoć caál Hasu ko Ocatiṅ banoḱ tege hućoḱ taekena, enare Naiki ó kać ekaoḱ taekena Porja ó ká. Modern Science banoḱ enkan Dipilaṅ re, sabenaḱ ge Japit́pati anḍoḱ Baikudum tege uduṕkataioḱ taekena—Ruahasu do Bonga koaḱ Danḍe, Banita Bonga koaḱ Paeṭi, baredo Jagda ko Lórhon ko aete oṭaṅ tan Bisi Hoyo te hobana -menoḱ taekena. Century ko parom yan loḱ, goṭa Otedisum àcur ket́ miat́ Idea olt́ yana: enage Germ Theory of Disease, Ruahasu hoban reaḱ Germ Theory. Nena do miat́ Menìpidu, Keṭećtipingu anḍoḱ Triumph reaḱ Kajigam ge—Ranreht́ anḍoḱ Jinivt́ ko reaḱ abuaḱ Etocirgal joroṅ-joroṅ lagit́ àcurnamoḱge, ká neloḱ Manjivt́ ko hoṭaḱ nel borsa ken koaḱ Kajigam ge. 1. Ayarùtar Nel Conoṭeć: Antonie van Leeuwenhoek anḍoḱ en man-man Disum Netherlands reaḱ Delft City re 1674 Sirma. Lens baáinić anḍoḱ curious Observer Antonie van Leeuwen...

Hamelin ren Hon ko

Print Onol Cursive Onol 1284 sirma re Hamelin re miat́ esu taṅan lekan hooć hućoḱ beṭa lena. Enić do kilimili net́ann, palat́-pilit́ Lijaḱ reaḱ Coat eć horoḱ akat́ taekena, enate enić do Birla-balaṅ OroṅRutu (Pied Piper) ko metat́ića. Enić do «Kaṭea Saáṕnić ań» -menteć kaji ket́a, anḍoḱ chiminaṅ Puisa te en City ren saben Kaṭea anḍoḱ Chunṭila koń har enḍaḱkoa mente Kajić em ket́a. City renko miat́ Agreement kô bai ket́a, chiminaṅ Puisa emać reaḱ Kajikô em ket́a. Kaṭea Saáṕnić aćaḱ Kuchu aete miat́ huḍiṅ lekan Rutuć olt́ ket́a anḍoḱć oroṅ eṭeć ket́a. Kaṭea anḍoḱ Chunṭila ko saben Oaḱ-Oaḱ aete olt́ taṕ ean te enić taḱkô jumur hunḍi yna. Saben Kaṭea ko hućoḱ chaba yna lekać ada ket́ re enić Weser Gaḍa taḱć ayar idi ket́koa, entaḱ re aćaḱ Lijaḱć gapuć rakaṕ ket́a anḍoḱ Daḱ reć bolo yna. Janwar ko saben enićkô otoṅ yna, Daḱ rekô iuḱ yna anḍoḱkô sur goć yna. City ren hoo ko nahḱ Mari aetekô har duḱ ean do, imin rená Puisa emaić reaḱ Kaji ká emat́...

Powered by Blogger

Ho Duraṅ

About

Comments

Post a Comment